Susan, baie geluk met jou verjaardag!!! Mag die jaar wat voorlê mooi & geseënd wees!!!

Baie geluk met jou verjaarsdag....

More susan baie geluk met jou verjarsdag mag daar sommer nog baie wees, geniet jou dag.

Baie geluk met jou verjaarsdag Susan.  Mag jy 'n wonderlike geseënde dag hê!

Susan, jy verwoord presies wat ook my gedagtes en ervaring is. Ek kry vir Hennie jammer. Dit is onmoontlik om sinvol op so baie fotos kommentaar te lewer. Ek het al aan hom voorgestel dat hy hulp moet kry by die ander ervare fotograwe en sodoende die las versprei. Dan dink ek ook hulle kan die limiet nog verminder na bv. 3 per week. Dit sal maak dat mense meer selektief fotos plaas. 

Dankie vir jou komplimente. My aanvaarbare fotos is nog maar 'n klein persentasie van die totaal wat ek neem, maar ek hoop om mettertyd beter te doen.

Ek reken ons gaan nog hard werk in die mentor program, maar ek gee nie om nie. Dit lyk in elk geval vir my baie belowend. Ek weet ek gaan baie leer.

Ten opsigte van jou "ietsie uitglip": jy kan gerus meer dikwels ietsie laat uitglip. Veral ten opsigte van my fotos gee ek glad nie om vir teregwysings of positiewe kritiek nie. Dit is tog waarvoor mens by Fotoskool publiseer. As iemand daaroor aanstoot neem kan hy maar liewer bedank. Jy moet ook nie skuldig voel as jy nie op alles kommentaar kan lewer nie. Niemand is onder verpligting om kommentaar te lewer nie. Elkeen van ons doen mos maar wat ons kan. Groetnis.

Hallo Susan, so 'n jaar gelede, net nadat ek by Fotoskool aangesluit het, het ek 'n foto van 'n daglelie gelaai wat sekere tekortkominge gehad het. Ek glo ek het nou die vorige foto se probleme uitgestryk. Ek het nou weer een gelaai en ek hoor graag jou kommentaar.

Naskrif: Ek het nou weer die geleentheid gebruik om deur jou fotos te kyk en ek dink jy het 'n besondere oog vir 'n goeie foto en dan ook die tegniek om dit te maak werk. Jy kan gerus meer kommentaar op fotos, veral by Fotomentores, lewer. Jy is duidelik baie bevoeg om dit te doen.

Dankie vir jou oulike opmerkings! my kinders is my lewe, sonder hul liefde is mens maar arm!

Naand Susan.

Twee kort goedjies.

Hogsback is in die Oos Kaap, min of meer tussen Oos London en Queenstown en omtrent 35km vanaf Alice, waar Fort Hare Universiteit is. Dit is gelee op die eskarp as jy van die kusvlakte na die plato van die binneland styg. Dit het dus 'n baie groot reenval, soms tot 2000mm per jaar met 'n gemiddeld van ongeveer 1200 - 1400mm per jaar. Dit het iewers tussen 1835 en 1850 begin toe die sendelinge huise hier begin bou het om te ontvlug van die hitte in die vallei onder die berg en togryers 'n oorslaapplek nodig gekry het. 'N webwerf wat my vrou, Elsa, aan die gang hou sal jou meer vertel.  (www.hogsbackinfo.co.za). Ons plek is genaamd Never Daunted.

Elliot.

Hy is inderdaad my kleinseun. Hy is gebore met 'n kondisie "Hypoplastic Left Heart Syndrome" wat beteken dat sy hart se linker ventrikel glad nie ontwikkel het nie en dus glad nie kan werk nie. Dit is 'n toestand wat, as dit nie opereer word nie, 'n 100% sterftesyfer het ongeveer 5-7 dae na geboorte. Geen uitsonderings. Hy het sy eerste groot hartoperasie op 5 dae ouderdom gehad, sy tweede op 5 maande en sy derde op 18 maande. Nou het hy 'n redelik werkende sisteem, maar sy hart sal natuurlik nooit normaal wees nie. Hy was op suurstof 24/7 tot hy twee jaar oud was. Hy het in 'n kind met 'n pragtige persoonlikheid ontwikkel. Nodeloos om te se, sy ouers het deur baie diep waters gegaan.

Dankie vir jou belangstelling.

PS Jy het goed gedoen met die naaldekoker.!!

Nogmaals dankie vir jou gewaardeerde opmerkings en suggesties. Die ligene het my oog gevang omdat die geboe lyn van die ligene herhaal word deur die mos en ook die oranje van die saadje wat weerklank vind in die mosgedeelte.

Ek het nie 'n naby skoot van die mos nie, maar dit is 'n goeie voorstel. Dit behoort 'n mooi tekstuurfoto te maak en ek gaan soek vir 'n foto.

Die gogga storie.

My jongste dogter is so tien jaar gelede met 'n Amerikaner getroud. Hulle het in Suid-Afrika kom trou (iets waarvoor ons groot waardering gehad het).

My dogter is 'n regte platjie en sy oortuig toe haar aanstaande dat, omdat Bloemfontein 'n Afrikaanse gemeenskap is, sal dit nie goed wees as hy nie ook 'n paar woorde in Afrikaans kwytraak gedurende sy toespraak nie. Sy rig hom toe af om die volgende sin in sy toespraak in te werk: "Ek het vanoggend 'n groot, groen, grillerige gogga op die grasperk gesien" Nodeloos om te se die Amerikaner het erg gesukkel met die klomp "G's" in die sin maar die feit dat hy probeer het, het hom onmiddelik gewild gemaak onder die gaste. (Probeer die sin vinnig se en kyk hoe moeilik dit is. Ek sukkel soms.)

Nog 'n storie.

Sy het uiteindelik in Warm Springs (Georgia) geland en daar het sy het goeie vriende gemaak met 'n Indier meisie (Samantha) van Durban wat saam met haar gewerk het. Een aand, 'n kort rukkie na hulle ontmoet het, is hulle saam iewers in 'n restaurant en Sunette begin toe vir Jonathan vertel van haar skooldae en veral hoedat sy en Samantha skooltoe moes ry op 'n olifant!! Samantha val toe ook in en vertel dat hulle te arm was om elkeen 'n olifant te kry en dat hulle die een olifant moes deel! Waar die storie gedraai het weet ek nie, maar Jonathan eet alles vir soetkoek op en luister oopmond na hul avonture. Eers toe die storie bietjie te wild begin raak het, het die meisiekinders uitgebars van die lag en kom Jonathan agter hulle trek sy been. Dit het amper tot 'n vroee egskeiding gelei.

Hulle kom nou weer in Februarie/Maart kuier en ons sien uit daarna. Kyk onder my fotos na die fotos van Elliot, hul seuntjie, wat ek geplaas het. Dat hy lewe is 'n wonderwerk.