Met digitale foto's deesdae en die magdom pixels tot almal se beskikking is dit maklik om te sê "crop bietjie hier of daar".

 

Die punt bly staan, hoe groter die foto, hoe beter die kwaliteit. 'n Foto wat al die pixels bevat wat die kamera se sensor vasgevang het, kan soveel groter gedruk word, lyk baie skerper as dit volskerm vertoon word op 'n rekenaar en is "noise" as gevolg van hoë ISO nie so opsigtelik nie.

As van hierdie pixels weggevat word, verdwyn die voordele van 'n 10 megapixel kamera stadig maar seker. Tensy een van die voordele is om die foto te crop??

 

Ons almal gaan so aan oor die samestelling van 'n foto en huiwer nie om dit te crop as die samestelling nie van die begin af reg was nie.  Is dit nie dalk beter om voor jy die knoppie druk, te sorg dat die foto perfek is nie? Sodoende behou jy al die pixels en bespaar boonop tyd om te besluit wat jy moet crop en wat nie.

Ek gee toe, crop is 'n wonderlike ding wanneer jy jou lens se "focal length" bereik het, nie nader kan beweeg nie, maar jy wil nog "zoom" - dan het jy al jou opsies oorweeg en crop as die laaste uitweg aanvaar. Dit is tog immers die uitweg wat veroorsaak dat jy die kwaliteit van jou foto moet inboet, so dit maak sin om dit as die laaste uitweg te gebruik.

 

Crop is vir my amper so erg soos 'n vloekwoord, daarom fokus ek baie op die samestelling van 'n foto voor ek die knoppie druk.

Sal graag wil hoor hoe ander hieroor voel.

Views: 142

Comment

You need to be a member of Fotoskool to add comments!

Join Fotoskool

Comment by Frans van Heerden on November 27, 2011 at 9:46am

Schalk: Ek dink om na "crop" as n vloekwoord te verwys is, na my mening, onregverdig. Oor die stelselmatige vermindering van "pixels" deur te "crop" is ook nie seker nie. Is die implikasie dat daar n verlies  aan "pixels" is, selfs in die geval waar n foto in RAW of Tiff leggers geberg word? Verder, wat gebeur met die verlies van "pixels" as ek byvoorbeeld in-kamera sou "crop"?

Om te redeneer dat foto moet "reg" geneem word en dus nie "ge-crop" hoef te word nie,  is seker n ideaal maar die areas en omgewings waar ons beweeg en waar n kamera geposisioneer word om die "ideale foto te neem, is dikwels net te moeilik om daardie ideaal te verwesenlik. Ek wonder of, selfs in die mees ideale toestande van byvoorbeeld n foto ateltjee, n fotograaf die ideale komposisie kan bewerkstellig om nie die "crop" funksie te gebruik nie.

"Cropping" kan die komposisie van n foto verander -dink maar net  byvoorbeeld aan die fotos wat  met Igno en Chales op n onlangse uitstappie geneem het.

Daar is n magdom faktore wat n mens moet oorweeg by die neem van n foto lig, sluiterspoed, kompensasie, f-stop, komposisie, skaduwees, kamera se "level", bewing,ISO, "white balance" en samestelling, om maar n paar vd belangrikstes te noem. Dit is wonderlik om te dink ek het die voordeel van "cropping" wat my kan help waar ek iets mbt die samestelling vd foto, misgekyk het.

Michael het ook n belangrik punt tov die afdruk van fotos. Min van ons druk foto af, laat staan nog vergrotings!

Verder, die hoe gehalte foto drukkers is hoogs gesofistikeerde masjienerie deesdae - ek wonder hoe sensitief hulle regtig vir die effek van "cropping" is.

Nee, ek is maar al te dankbaar vir so n fasiliteit - na my mening, "lank lewe die "cropping" funksie

Comment by Michael Cronje on November 26, 2011 at 11:31am
Stem saam oor die kwaliteit wat mens kan verloor, maar mens moet ook vra hoeveel van die amateur fotograwe 'n foto laat print, en as hul hom print, hoeveel keer het hul al fotos groter as gewone 'Jumbo' size (15cm wyd??) laat print? So as jy 'n foto van net 4MP (2240x1680 pixels) neem, kan jy daardie foto sonder dat jy kwaliteit verloor tot omtrent 22,4x16,8cm print. Is dit nie groot genoeg vir meeste van ons nie? En dis maar net 4MP... Verdubbel die oorspronklike pixel grootte van die foto, nou kan jy al 50% weg crop, en steeds teen 22,4x16,8cm print. Ek dink?

© 2019   Created by Igno van Niekerk.   Powered by

Badges  |  Report an Issue  |  Terms of Service

google-site-verification: google66c860d217920dd7.html